::: منتديات بنات ليبيا :::
مرحبا بكم في منتديات بنات ليبيا ارجو من الجميع البنات التسجيل لأنماء هاده المنتدي الجميل معاء تحياة الاداره

::: منتديات بنات ليبيا :::

مرحبا بكم في منتديات بنات ليبيا تنتما لكم قضاء امتع الاوقات معنا معاء تحياة اداره المنتدي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول
مرحبا بيكم اعزائي الاعضاء في منتديات بنات ليبيا اتمنا ان ينال اعجابكم هاده المنتدي معاء تحياة اداره المنتدي

شاطر | 
 

 اللاعب اليبي الأسطورة..الساعدي معمر..

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
ام ولاء
عضو فعال
عضو فعال


انثى الدلو الماعز
عدد المشاركات : 167
تاريخ التسجيل : 08/11/2011
العمر : 36
الموقع : الدلو
العمل/الترفيه : عاطلة عن العمل
المزاج : طيب

مُساهمةموضوع: اللاعب اليبي الأسطورة..الساعدي معمر..   الإثنين يناير 09, 2012 1:20 pm

تذكير بمساهمة فاتح الموضوع :

اللاعب اليبي الأسطورة..الساعدي معمر..
كما ورد / يوميات الكابتن ماجد [ الساعدي معمر ] مع الكرة الليبية
--------
خليفة البشباش
--------
بمناسبة اقتراب مشاركة المنتخب في الكأس الافريقية أردت ان انتقل قليلا لجو كرة القدم
وللخروج من ضغط السياسة والاخبار الى بعض النوادر والغرائب التي عشناها على رأي اخواننا [ هم يضحك وهم يبكي ]

في البداية طبعا كل الشكر والتقدير لمكتشف المواهب الفذ علي الأسود اللي اكتشف اسطورة القرن الواحد والعشرين اللاعب الساعدي معمر وقدمه للكرة الليبية على اساس ان مارادونا يقارن بالساعدي وليس العكس واخذ يبجله ويحضر من يبجله حتى من الخارج وقالوا لنا انه مرشح للعب في يوفينتوس
فعلا انه الأسطورة الفريدة التي لن تتكرر
كيف لا وهو اللاعب الوحيد في العالم اللي رجليه الاثنين يسار ومعوجات
كيف لا وهو اللاعب الليبي الوحيد اللي انتقل بين عدة اندية ايطالية ولم يلعب فيها لو لعب كان ممكن يحطوه جنب بيليه
كيف لا يكون الاسطورة وهو اللاعب الوحيد في العالم الذي لعب 10 دقائق في مسيرته الاحترافية في ايطاليا التي امتدت لأربعة سنوات
فعلا لن يتكرر فهو اللاعب الوحيد في العالم الذي يدفع اموالا لكي ينتقل الى نادي ما وليس العكس
كيف سيتكرر هذا الاسطورة وهو الذي كان لاعبا في المنتخب ولاعبا في ناد ليبي ورئيس الاتحاد الليبي لكرة القدم في نفس الوقت

ما نبيش نطول هلبة في ذكر انجازاته فكؤوسه والقابه المعدومة تتحدث عنه
لكن اريد ان انقل بعض المواقف بعضها من ذاكرتي الشخصية انا خليفة وبعضها الآخر منقول من الاخوة في منتدى كورة ليبية من مشاركات متعددة ومتفرقة - هذا للامانة

1
[ الحكم مايبيش يفسد الفرحة ]
مرة الساعدي كان يلعب مع نادي الاتحاد ولعبوا مباراة ضد نادي الهلال
اللاعب المخضرم الساعدي سجل أحد الأهداف من تسلل واضح جدا فذهب اللاعبون الى مساعد الحكم للاحتجاج
شن قاللهم الحكم ؟
قاللهم صح تسلل والهدف غير شرعي لكن توا الساعدي خلع قميصه وفرح مع الجمهور بنفسد عليه ؟ ما نقدرش

2
[ عندما ظهر الحكم الشجاع تدخل المعلق ]
مرة الساعدي في مباراة وقع في التسلل وحكم الراية كان شجاع ورفع رايته ووقف الهجمة
المعلق انحط في موقف محرج شن بيقول؟
لما الحكم صفر تسلل على الساعدي المعلق قال [ تسلل جمييييل ] ..اول مرة نسمع بتسلل جميل اني
عاد حتى هوا الكابتن ماجد ... مش بعيد اصلا هوا مش متسلل غير الكاميرا غلطت في التصوير من شدة براعة وسرعة الساعدي ماقدرتش تشد الصورة طلعاته تسلل

3
[ أهم شيء التمريرة التي تسبق الهدف ]
لما لاعب يسجل هدف طبيعي المعلق يقول [ جووووووول اللاعب فلان يسجل هدف ] .. هذا في كل مكان
لكن طبعا [ نحنا مش تونس ومصر ولا اي مكان ] المعلق عندنا مرة نتفكر فيها مبارة ولاعب سجل هدف بتسديدة بعيدة
المعلق شن قال [ اوووو جوووول اللاعب سجل هدف من الكرة التي مررها الساعدي معمر ] وماقالش اسم اللاعب اللي سجل الهدف !!

4
[ خطة جديدة للاعبي الأطراف من خارج الملعب من ابتكار الساعدي ]
مرة في لاعب اسمه خالد الشبلي كان يلعب مع الاتحاد ولعبوا ضد الساعدي لما كان مع الاهلي
المهم الحكم طلع واحد من التيحا بالحمراء باش السعدي يقدر يفوز طبعا فاعترضوا لاعبي الاتحاد وقاللهم الشبلي مش مكملين المباراة
جاء السعدي يكلم في الشبلي والشبلي مسكر دماغه
شوية جو حرس السعدي الشخصي من أطراف الملعب كانوا واقفين برا كتفوا الشبلي ولوحوه في كوفوني السيارة ومشوا بيه !
وهذي هي خطة اللعب بالاطراف من برا الملعب

5
[ ربي يحميك من العين ياودي انتا من غير عين وبهدلتنا ]
مرة الساعدي جاته اصابة [ ان شاء الله ينشل ] المهم طبعا فاضي قعد يدور
مشا دار زيارة للأسطورة البرازيلية رونالدوا كان حتى هوا مصاب ويتعالج [ طبعا الاساطير يديرو زيارات لبعض ]
لما خش لرونالدوا قاله الساعدي : شكله خذونا بالعين حني الزوز !! والعجيب ان جريدة ليبية نقلت الخبر هكي وبكل فخر !

6
[ الخطورة الحقيقية ]
مرة نتفرج على مباراة طبعا السعدي كان يلعب المهم هجمة خطيييرة مرتدة لفريق الاتحاد اللي كان معاهم السعدي
والمعلق بارد مش عارف علاش بعدين الكورة تمررت للساعدي قال [ ما ان تصل الكورة الى اقدام الساعدي معمر حتى نشعر بخطورة الهجمة ] وبدا يعيط ههههه يا سلااام المهم ضيعها
مشوار ثاني حصلوا الاتحاد ضربة حرة طبعا بينفذها ساعدينهو
المعلق قالك [ طبعا في التنفيذ متخصص الضربات الثابتة الساعدي معمر .. دائما ما يلعب الكرات على الطريقة البرازيلية ] هههه خوك الساعدي نفذ الخطأ على الطريقة التشادية الكورة بعيدة قريب طلعت من فوق المدرجات
والمعلق قاعد يصيح أووووووو خطيرة

7
[ اليوفي .. في مهب الريح ]
طبعا اللي يتبعوا الكورة زمان يعرف شن معنى نادي يوفينتوس بالنسبة لليبيين
كان معظم متتبعي الكورة يشعوا في نادي يوفينتوس بينما الاندية الايطالية الثانية محبيها في ليبيا قلييييل
استمر هذا الوضع الى ان اشترى الساعدي نسبة كبيرة من اسهم نادي اليوفي بالاموال المسروقة من الشعب
بعدها اغلبية الناس كرهوا اليوفي واللي بدا يشجع في ميلان واللي يشجع في روما واللي بطل الكورة بكل
هرد سوق اليوفي في ليبيا

8
[ المدرب يجب ان يعرف قيمة لاعبيه وإلا سيقال ]
مرة جابوا مدرب أجنبي للمنتخب الليبي نسيت اسمه
طبعا المدرب هذا مش عارف البرنامج في ليبيا فلما شاف الأسطورة السعدي قاللهم هذا برا القائمة
قالوله ما يجيش لازم تدخله في المنتخب
قاللهم لا
ثاني يوم لزوه وداروله اقالة
طلع مدير المنتخب على الاعلام وصرح بكل وقاحة [ قالك تمت اقالة المدرب لأنه لا يعرف القيمة الفنية للاعب !! ]

9
[ لازم تقدروا المواهب يا جماعة ]
مرة صحفي انتقد اداء الساعدي في مقالاته وكردة فعل من اللاعب المحترف الخلوق بعث حرسه واختطفوا الصحفي وقتلوه وهو بشير الرياني الله يرحمه
ومرة واحد صحفي انتقد الساعدي جابوه في التلفزيون وحققوا معاه عالهواء كيف تقول هكي وكيف تقول هكي
ومرة في طرابلس الجمهور هتف ضده تدخل الحرس الشخصي واطلق الناس على المدرجات وماتوا عدد من المشجعين ربي يرحمهم
ومرة جمهوا نادي الاهلي بنغازي هتفوا ضد الساعدي
جاء الساعدي وجابلهم الجرافاااات ... الجرافات مسحت النادي من الميدان
وفي النهاية الساعدي ما دار شيء هو فقط طبق مقولة [ الرياضة نشاط عام ينبغي ان يمارس لا ان يتفرج عليه ]

شنو بنحكي وشنو بنخلي والله المواقف هلبة لكن احسن حاجة النكتة الليبية الجميلة
قالك مرة الساعدي قعد يبكي وماجاهش نوم بكل ناضت صفية فركاش أمه قالتله خيرك يا وليدي ؟؟
قاللها : ضيعت ريقولي يا ماما
قالتله : ارقد ارقد بوك مضيع بلاد بحالها وراقد م
ن الساعة 9 ويشخر

منقول منقو
ل منقول .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو

كاتب الموضوعرسالة
زهرة الجبل
عضو فضي
عضو فضي


انثى القوس الكلب
عدد المشاركات : 1043
تاريخ التسجيل : 29/10/2011
العمر : 21
الموقع : لـــيــــبــــيــــا
العمل/الترفيه : طالبة
المزاج : جيد

مُساهمةموضوع: رد: اللاعب اليبي الأسطورة..الساعدي معمر..   الجمعة يناير 27, 2012 4:14 am

انشاء الله بس انى نبى انسميهااا المرحه
شنى رايكم
طبعااااا زهرة مصراته راه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زهرة مصراتة
عضو فضي
عضو فضي


انثى السرطان الخنزير
عدد المشاركات : 1087
تاريخ التسجيل : 27/09/2011
العمر : 21
الموقع : ليبيا
العمل/الترفيه : طالبة تانوية
المزاج : قولو باهى وخلاص

مُساهمةموضوع: رد: اللاعب اليبي الأسطورة..الساعدي معمر..   الجمعة يناير 27, 2012 6:29 am

هههههههههه المرحة ولا الهدارزة ولا المغرورة عاد حددو حاجة .........زانى زهرة الجبل الطيبة راهو ما دخلنيش ....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زهرة الجبل
عضو فضي
عضو فضي


انثى القوس الكلب
عدد المشاركات : 1043
تاريخ التسجيل : 29/10/2011
العمر : 21
الموقع : لـــيــــبــــيــــا
العمل/الترفيه : طالبة
المزاج : جيد

مُساهمةموضوع: رد: اللاعب اليبي الأسطورة..الساعدي معمر..   الجمعة يناير 27, 2012 6:47 am

تسلمى يامرحه ...شنى رايك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زهرة مصراتة
عضو فضي
عضو فضي


انثى السرطان الخنزير
عدد المشاركات : 1087
تاريخ التسجيل : 27/09/2011
العمر : 21
الموقع : ليبيا
العمل/الترفيه : طالبة تانوية
المزاج : قولو باهى وخلاص

مُساهمةموضوع: رد: اللاعب اليبي الأسطورة..الساعدي معمر..   الجمعة يناير 27, 2012 7:16 am

ههههههههههههههههههه ......سلمك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
April moon
عضو فعال
عضو فعال


انثى الحمل التِنِّين
عدد المشاركات : 219
تاريخ التسجيل : 24/12/2011
العمر : 28
الموقع : بنات ليبيا
العمل/الترفيه : التصفح عالانترنت
المزاج : معتدل و الحمد لله

مُساهمةموضوع: رد: اللاعب اليبي الأسطورة..الساعدي معمر..   الجمعة يناير 27, 2012 8:11 am

مبارك عليكم الألقاب زهرة الجبل الطيبة و زهرة مصراتة الهدرازة المرحة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زهرة مصراتة
عضو فضي
عضو فضي


انثى السرطان الخنزير
عدد المشاركات : 1087
تاريخ التسجيل : 27/09/2011
العمر : 21
الموقع : ليبيا
العمل/الترفيه : طالبة تانوية
المزاج : قولو باهى وخلاص

مُساهمةموضوع: رد: اللاعب اليبي الأسطورة..الساعدي معمر..   الجمعة يناير 27, 2012 8:17 am

ههههههه الله بارك فيك فهيمة ........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زهرة المرج
عضو فضي
عضو فضي


انثى الميزان الكلب
عدد المشاركات : 1563
تاريخ التسجيل : 18/09/2011
العمر : 22
الموقع : ليبيا الحره
العمل/الترفيه : طالبه
المزاج : كويس

مُساهمةموضوع: رد: اللاعب اليبي الأسطورة..الساعدي معمر..   الجمعة يناير 27, 2012 10:16 am

اتفقناااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اللاعب اليبي الأسطورة..الساعدي معمر..
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
::: منتديات بنات ليبيا ::: :: استراحة المنتدي :: منتدى الالعاب و الطرائف-
انتقل الى: