[center]جيت نتصل بلي بعيد الدار
ريافي علي غالي رقت نيرانه
بنغزات لاعداد لاحكار
ونقول بلكي شفرتي عطلانه
رقت لي عزقته نين راح دمار
جهازي وقلبي زايدات احزانه
ناكنت نبي مالعزيز اخبار
ونبي نحدد له مكان لقانا
زادت الشبكه من امراري امرار
قالت غلاك خارج نطاق غطانا
مكتوب ياعيني خطاك وصار
وصبرك ان قالوا دايرين صيانه
كل يوم بكره وماشيه لعمار
شركه كبيره في الكذب فنانه
شكينا عطابك ماشكانا اسرار
وجملة شكا هالناس كيف شكانا
بلد شرانا مو شرا شطار
ان شا الله آخر عطاب شرانا
كارهينها نأسف معا التكرار
ويوهاف ويز دان ون مينت شقانا
نوض واتصل لو تريد م لفجار
ولا جهازك طوحه وخطانا
شبكه عطيبه ماتمل اعذار
في صبحنا والقايله ومسانا
والتغطيه فالليل كي النهار
تعب نظرنا تدويرها وكدانا
ياما شروا منها صغار كبار
استرخصوها عقولهم تعبانه
الله يقطعا هالدور مايندار
امغير زنت زنة الذبانه
ماكيف لرضي كيف يابوجار
بوخويط ماشي فوق من عمدانه
يمشي اتصالك كي لهيب النار
لايعك خط ولا تجي اسطوانه
في كل عام اتغير الماكار
لاتشحطه لاتزيد في ارخيانه
ينزل عليه الطير م لموكار
ولايتعبك بالحيل في طلبانه
وصحيح مالرطوبه كان جت لمطار
تخلط عليه يزيد في غلطانه
وحتى ان تقادم في حضاره اطوار
تبقى كسبته فالحوش مش خسرانه
ويبقى الكبير اللي ابطما كبار
علي طول عمره خير من ليبيانا.
السبت يناير 02, 2010 11:49 am