دردشة مع حرائر ليبيا

تذكير بمساهمة فاتح الموضوع :

اهلا بكم معنا في دردشه مع حرائر ليبيا تفضلو

اسمعو يا بنات جتني فكره توا علاش ما انديرو منتدى لينا حنا و نديرو في الحاجات اللي نبوها قصدي احسن ما نقعدو هنا لا مدير لا اشراف لا شي و من الاخير ولت ملل هنا

يا بنات شفتو رعد ومطر امس
رعبببببببببببب

على العموم قعدة انقوللكم كانا حد عنده ايميل عالياهو
وسناء كانا تبى تبعتى رقمك ولا اى وحدة فيكم

نبى المسلاتية والصرمانية وين ساكنيين

ساكنين في مدنهم مسلاتية ساكنة في مسلاتة وصرمانية حتى هي ساكنة في صرمان
كسااااااااااااااااااااد مش بدينا كل واحد يخوش في وقت غير التاني معاش اصلا انتو تخوشو للمنتدى

ايه والله وحده تخش والثانيه تطلع
اني ساكنه في مسلاته

ايه صح هكى معاش نتلاقو بكل

أصلا حاسة في برودة في المنتدى حتى البنات معاش حوار جاد بيناتهم لما يهدرزوا في صفحة الدردشة كان مش من بنت مسلاتة وبنت المرج ما يكتفوش علينا في المواضيع رانا نخشو ونتلعو طول اهو الردود علي المواضيع والمشاركات يخلوا فينا نقعدو في المنتدى فترة

هده حق بجديات كانا مداروش
بنت المرج والمسلاتية مواضيع نقعدو هكى

بااااااااااااى مليت مفهمتش الدنيا جنبنا مقلوبة

كسااااااااااااد ومليت
يلي يبي يتعلم الصبر وسعة البال يجي يقعمز علي الكمبوتر تبعي حاله بطئ من ايام الابيض والاسود ويخرط ويفصل واني نوسع في بالي وفي النهاية ما نلقاش حد في المنتدى مش متجاهلاتك يابنت مصراتة بس دوختيني نتبع فيك من قسم لقسم اصلا اني داخة من بكري لقبل ما تخوشي بفترة

الله يعينك يا بنت الجبل وخلاص

ويعين الجميع
اليوم اني عندي خبر كويس ليا خوتي رجعوا من بني وليد هما ولد خالتي وجايبين معاهم علم كبييييييييييييييييير بمجرد دخولهم شارعنا الجامع يلي جنبا فتحو فيه التكبير وبدوا يراحبو يالتوار الراجعين من مئذنة الجامع عددهم التوار4

شن الجو يا بنات....
جو سمح صح...

المنتدي منور بيكن
ادعولي......

الحمدلله على سلامتهم يا بنت جبل نفوسه
وربي يوفقك يا بنت المرج

باهى الحمد لله روحو سالمين
وانشاء الله عقبالى باقى التوار لما يروحو لماليهم

ان شاء الله

معقوله يا بنات نغيب 3 ايام ما في حد معبرني حتى نكتب حاجه ما تردوش عليا لاكن توا حنخش في الاسبوع مره بس شكلكم مش فارقه معاكم جات ولا غبت

والله شكلك فهمتي غلط يلبنت عروس البحر
كل ما تخوشي انكلم فيك اصلا كل وحدة تكتب ارد علاها واني اكتر وحدة نعبي في صفحة الرد اخر مشاركة قريتها قتلك وين هالغيبة والمشاركة يلي بعدها امتع موضوع فتح المنتدى والله ماريتها انمرر في الصفحة بسرعة في الماوس امشي فاتت مشاركتك ردت علي بنت...وين ساكنين بنت مسلاتة وصرمان معقولة سؤال مش موجه ليا نجاوب عليه والكومنت يلي تبعك كان موجه لكل البنات واني معاهم مارديش عليه اصلا كان خشيت ارد عليكم كلكم يلي امباركلها بتغيير اسمه يلي ارد عليه سؤالها يلي نشكرها علي ردها عليا
وبعدين كان غلطنا حقك علينا وبارضون
واني انقول علاش مارديتيش علي موضوع اخبار بني وليد!!!!
اني يوم قلتلكم علي حرق المجلس الانتقالي المحلي لمديتة غريان استغربت ولاواحد رد وطلبت منكم تردوا ولاواحد رد كان اني نبي نتكلم واستغربت علي حدت زي هدا واحد مايحطتش كومينت عليه

لا مش هكي القصه يا بنت عروس البحر لكن لما نخشوا كل وحده بروحه ومنعرفوش كل وحده امتا تخش

لالا والله بالعكس قلت بينى وبين نفسى ان الطرابلسية معاش تخش غريبة
قبل ديمة انى وهيا

ويا غريانية مركزتش انى مرديتش عليك
لانى حكيتها حتى الى امالية شورنى الهيت فى القصة مرديتش


وعندكم الحق حتى انى منحبش انقول حاجة ومنلقاش حد راد عليا

وموم صحيتى يا حياة على التصكيرا الى درتها هداكا اليوم فى وجهى
على الياهو

هاااااااااااااااا معناتا ما نسيتونيش

بنت عروس البحرلا مانسيناكش
يا بنت مصراته الضي هرب علينا هذاك اليوم
واشارة النت عندنا مش ثابته احيانا تهرب

مداما الحكاية هكى عادى
ويا طرابلسية معقولة ننسوك