دردشة مع حرائر ليبيا

تذكير بمساهمة فاتح الموضوع :

اهلا بكم معنا في دردشه مع حرائر ليبيا تفضلو

والله انتي وحظك لما تلقي اي وحده معاك في المنتدى تقدري تهدرزي انتي وياها

الله بنت جبل نفوسه ليها وحشه العشيه هذه

عادى فى وقت
ديمة تفتحى لكن ما تكلمى فى حد


حقه ما قلتلكمش كلمت امس سناء على الموبايل
وقعدنا انهدرزو هلبه

ديمة تفتحى لكن ما تكلمى فى حد

صح ديما نفتح بس مانعرفش أنكم تهدرزووو في دردشه حرائر بس توا خلاص نفتح ونقعمز في دردشه بنت مصراته

ماقدمك يا بنت مصراته خطرها ما خديتش رقمك نسيته

هاى بنات ادعولى انه نتى يرجعلى و ارجع ادخل امنتدى و نتعرف على بعض تعرفو انه العصافه مت يومها ضربتنا خط لارضى و حرقت النت متع جهتنا كلها و نسيت يلى عندها خبر على النتايج تقلى

لااااااااااا يوجد اي اخبار كالعاده النتيجه لين تقطن وما تطلعش

خخخخخخخخخخخخخخخخخخخخخخخخخخخ ههههههههههههههههههههههههههههههه و الله جبتى فيها مهم هما قاعدين بقعليت المشفشف ههههههههههههه

مازال نتائج ثانووووي ماطلعتش مالا سمعت نزلوهم أشعه

عااااااااااادى يا مسلاتيه كانا تبى تكلمينى

خبرررررر اكيدددد النتيجة الاتنين لوووووووووووووووووووووووووووولى هدى المرة من مسول تعليم العاصمه

شن جووووووووووووووكم اليوم
انشاء الله بالنجاح يابنت صرمان ومسلاتة
اني مريضة لين خلاص نا يضة من تحت البطانية
امس امشيت لباب العزيزية وخشيت لحوش القدافي وقفت وين قال انا هنا"طبعا ما القيناشي "وين قالت فرخته عيشة " انا صامدة"وخشيت للانفاق يلي تحت الارض بس مانزلتش معبيات مية وظلام
وبعدين العشية مشيت لميدان الشهداء غادي بدينا في الاعتصام تبع "لن نرضى بالدخول اليهودالى ارض ليبيا" الى الساعة متأخرة في ليل وكانوا كل العرب المقيمين في ليبيا حاضرين وهتفنا وقلنا "استحالة استحالة يمشي هو ايجو خواله"علي يهود طبعا ورددنا وقلنا"معليشي معليشي يهودي ما نبوشي" بعدين جوا الناس يلي كانت معتصمة امام فندق كورنتيا"وين مقيم اليهودي ديفيد"وحاولوا الدخول بس الامن منعهم وجووا لميدان الشهداء يطالبوا بعدد اكتر يمشي معاهم لكن حقه ماريتش الكات نهارها خشيت متحمسة وبقلب وقالت حتى بتهد المعبد اشبح هي غاادي اولا
وانشاء الله الايام الجاية بنمشي يابنت مصراتة تو انقولك قبلها والله جت صدفة احني تكلمنا علي الموبايل في اليوم يلي قبلهافي اليل بس ما كانش فيه مشية لين اتصل بية عمي في الصبح واتصلت بيك الصبح وقالوا راقدة والله تحشمت وانصخطت
............................

ههههههههههههههه موخر كلمتينى منت راقدة ماهو نسهر فى الليل
وانشاء الله تنجحى يا بنت صرمان انتى والمسلاتية

وحى على اليهودى قداش ما مستفز

فاتحين يا بنات لكن وينكم

ان شاء الله ننجحوا
وأخيرا عطو خبر مؤكد

ان شاء الله لابأس عليك يابنت الجبل

بنمووووووووووووت مريضة مطلعة ايدي بس من تحت البطانية
باللهي عليكم وين ديارها بنت المرج وين تشفرت شكلها تقاعدت وسلمتها هادي قبل وين ما نخوش هي ديمة من ضمن المتواجدين هدا غير حكم بداية القراية وكان في امتحانات !!!!!!!!!!!!!!!

ياساتر ياساتر يا بنت الجبل هذه اكيد بقايا سحر معمر
باهي وتي العاله وتو نجو نهوا عليك

ههههههههههههههههههههههههه

هههههههههههه لاباس عليك يا بنت جبلنا و ماتشوفى الشر و انشاء الله فى معمر و صغاره هههههههههه اسمعى تعرفى انا عندى احساس انه معمر تحت بيت الصموود يلى احنا انخشووله وهو يمدنا فى لساانه اه انا تحتكم خخخخخ و با الله انا بنكهب عليك ههههههه خسيت روحى جدياا و با الله نوضى وتيلى البيتزا و الجو هداكا و مشقشقاات الوجب عاد خخخخخخخخخخ بنكمل عقبااك عمووما هيا سلامات

اه انسيت شكرا و انشاء الله نجيب التقدير يلى نبيه

العفو

شن جووووووووووووووكم
والله يسلمكم مشكوووووووووورين حبيباتي
زعمك من سحره ربك يستر توى مرة الجاية انجيب مية قرآن وانبخبخه في كل مكان انخوشله في باب العزيزية نبي بنسألكم يوم خشو لباب العزيزية وكان يوم الثلاثاء23رمضان مش ظهروا واحد مرتزق بس كان لابس هوركة وعباية احنية خفيفة وعمامة بس ماكنتش علي راسه كانت في رقبته يلي نتلاقى اني وياه او نتصل بيه يقولي ما ريتاشي وكان لما دخلت كاميرة الجزيرة ومراسل محمد عبد العظيم لحوشه والله شككوني في نفسي

و الله ما نندري

شن رايكم في صورتي الجديده