مسجات ليبية

مسجات تعور القلب
وين الزمان يهدك حتى قريب الدم يبقى ضدك والناس تنسى هيبتك وتردك
تحبس الدمعه تغلبك وتسيل والغدر واعر يقهرك ويعذك وتلقى المحبه كلها تمثيل

العظم ينكسر ويعيب لكن يبره إلا كسرة الخاطر مصيبة غبره؛العظم ينكسر ويعيب ويجبر ويبره على أيدين طبيب إلا كسرة الخاطر إدير الشيب ؛تخلي كبير القدر يبكي بعبره..

اليوم حسوفه عزيز سيرته بالحيل مو معروفه والدنيا أسرار وكل حد وإظروفه...أوقات صقرها تضحك عليه حمامه وتجيبه إمطوح على الوطا لفلوفه..وزمان منتهي نحن إمغير ضيوفه...

أللي ينظرك بالعين ماتوميله؛وأشكي لربك ماتجي تشكيله..ماتتجده وتجيه تشكي من أمرار الشده وتوقف على بابه عليك أيصده...وباب ربنا مفتوح غير أدعيله وأللي مقسم محال حد أيديره مكتوب في كتابك من أول ليله..

هاج البحر ينشد الغالي وينه؟ قتله رحل بان الزعل في عينه...بقى متكدر ..لونه تغير...والكلام تعذر... ترابه رقى للسطح صار يهدر؛وهدت أمواجه لين طقت فينا [URL="http://msn-pic.mzaeen.com/m419.html"][/URL] (((( لعونكم ))))

الخاطر شرب كاس سم اللفاعي وعايش ايداعي ويكمى فعبرات يوم الوداعي
الخاطر شرب كاس سم الهوايش محسوب موش عايش يكمي فعبرات مر وغشايش
وعقلي بعد رزنتا تم طايش امخرب اطباعي ايجيب صورتك حتى وان ضل واعي

==========================================
اطلب تمنى ياربيع العمر ادلل عليا وزاد تأمر أمر
لكن عليا مانهار اتغيب أغيابك عليا كيف لذع الجمر
يادليل الخاطر ياللي بلاك العقل ديما جاضر
لحظة بلاك القلب ماهو صابر عمري كتبتة معاك سطر بسطر

=====================================
عندي عقل من قل الرفيـق الساعة عام فحسابه اتمـر
وعندي فكر ذاهب في الطريق بقى محتار مو عارف ايمـر
وعندي عزم ما ينفع رقيـق لا حمـال لا عمـره صبـر
وعندي نفس خانقها الضيـق دال الياس غير وين المفـر

========================
حاولت ننسى مـا القيـت عزايـميا مصعب النسيـان عللـي هايـم
حـاولـت ننـسـى غـــرورك ونبعد عليـك ونتركـك لشعـورك
لكـن حنينـي شالنـي لبحـورك ولقيت نفسي فـي غريقـك عايـم
صــعـــب نـسـيــانــك وصعب على غيرك ايجي في مكانك
بعد مـا روينـا شاربيـن حنانـك نموت بالعطش عالغير صايم صايم

=================================
لي قلب امفارق محبوبه يكابر عالجرح اللي فيه
ماسك دمعاته بهذوبـه يحساب البعـد اينسيـه
ثاريت النسيان اكذوبـة ماغالي ينسى غاليـه

===============================
مرايفيـن حبينـا عليـك انمسـو بريافنـا ياريـت يـوم اتحـسـوا
عـلــيــك امـــرايـــف وان كان نشغلك راني ربيع وصايف
طول اغيابـك يـا حبيبـي خايـف تهجر ونحنـا عالسـراب انرسـو

==================================
نا عندي نفس لاتخون غلاها .... ولا تروم جافي بلا سبب عاداها
عاشت مع اللي يعرفو مبداها ... لها قدر منهم كل وقت ايجيها
نافكرتي اتعبر علي معناها.... ماانلومها تحكي على ماضيها
الدنيا علي كل حال جربناها .... عرفنا وفاها ونقصها اللي فيها

========================================
قالولي انساه اتهنى وريح بالك منة
قلتلهم من ينسى روحة.... من ينسى اماله وطموحة؟؟
حتى وين انغمض عيني ... ونستنى في النوم ايجيني
نلقى طيفة تحت اجفوني....انقولة يانوم استنى
خلي عيني تشبع منه

===================================
ان كان ياعزيز اغنيت. نا انحمل عازات الجفا
وان عاز ياعزيز اقسمت .... تزهى العين طول عمرها
ان غاليت ........تاخذ قلب مفتوح ياعزيز للغلا
وان جافيت...... تلقى عزم صبار ياعزيز عالجفا

=========================================
ياللي عزيز مكانك ....مازال قلبي ع الوفا ماخانك مانبدلك
مازال قلبي وافي.....ومازال نابض بالحنان الدافي
مــــــوحال يبخل بالعطا مجدافي....لين يوصلة مركب غلاي حنانك
يهون عليا من اجنون اريافي.....ويبقى مقرة في ربوع اوطانك

==========================================
ياللي عزيز مكانك ....مازال قلبي ع الوفا ماخانك مانبدلك
مازال قلبي وافي.....ومازال نابض بالحنان الدافي
مــــــوحال يبخل بالعطا مجدافي....لين يوصلة مركب غلاي حنانك
يهون عليا من اجنون اريافي.....ويبقى مقرة في ربوع اوطانك

======================================

أتمنى أن تنال المسجات إعجابكم؟؟ وأتنظر ردودكم التي لا غنً لي عنها

تقبلو مواضيعي البسيطة[b]

مشكوره علي الموضوع

مشكورة علي موضوع