قدها والا مش قدها

تذكير بمساهمة فاتح الموضوع :

السلام عليكم ورحمة الله وبركاته

انا هدا اول موضوع انشارك بيه انشاء الله يعجبكم
العبه هى ان تسال سؤال والعضو الى بعدك ايجوب عالسؤال بقدها او مش قها
وهكدا كل الاعضاء
ويلا نلعب

اقدها او مش قداها انك ما تفتحيش النت اسبوعين

قدها ... تعرفي مره صار امعايا موقف سمح

مره لبست سروال طوبو امريكي ووشاح امخالف جت الابله طلعتني بس ما ضربتنيش ههههههه

حايلت عليها قتلها وراسك يا ابله وكان اتحبي ربك ورسولك ما تضربيني قالتلي امغير اطلعي منيش ضاربتك

قتلها عاليش امطلعتني كان ما تبي تضربيني قالتلي نبي انخوف البنات علاشان معش ايجن زي مخالف

ههههههههه انا انخوف طلعت .... وديما انخالف في زي وننطمر في فصل نقفل المفتاح عليه وبعدها ايجو فصلي ويمشي الوقت

جو سمح ؟؟؟

ههههههههههه طولت عليكن

باهي قدها تهربي من مدرسه ؟؟؟؟؟؟؟؟؟

قدها لانى فاتحة وكلمتك ولالالالالالا اجابة ابداااااا........سالت عليك مريضة ولالالالالا اجابة ...
علاش ما تخالفيش فى الزى بالعكس جو ما تحضريش الحصة الاولى ولا تكنسى ولا تنضفى الساحة جوبالعكس انى يلى ديما نحفر على المخالفة الزى فى الفصل.......زههه

قدها تغيبى تلات ايام وراء بعضهم ؟؟؟؟؟

زهرة مصراته انتي شكلك ما فهمتيش جوابي ... بس يالله

لا مستحيل انغيب 3 ايام انا يوم واحد انرايف علي مدرسه وصحباتي

باهي قدها انك قاعده اتهدرزي معه بنت وبعدها اترقيهل لك وبعدها تضربيها كفف سمح ؟؟؟

هدى حكاية ايات باهى شنى المطلوب منى ...............انردلها الكف .......هييييييي

لالا ايات لما جاوبت ما شفتش اجابتك .......زنفس الوقت


قدها تحكى شنى هى حياتك العلمية والعملية؟؟؟؟؟

لالا شنى بديرى بيهاااااااااااااااااااااااا
قدهاااا تنوضى الابله تلعب حبل ؟؟؟؟؟؟؟؟.......ههههههههههه

لالا نوض الابلة تلعب ..........يستيك


قدها تحكى عن حياتك العاطيقية .......كخكخ

هههههههههههه.....العاطيقية...انتي غير اكتبيها صحححح

لالالالالالالالالا مش قدها

باهي قدها تحكي عن .......الكويسةاللي دارت.....كويسة في............كويس خخخخخخخ

شنى دخلك بيها فضحتى بيها هالكويسه
باهى قدهااااااا نبعتك لواحد اسمه عبد الواحد تجيبيلى منه سبسى واحد .هههههههههههه
ماعرفتش شنى بنقول

هههههههههههههه عادي ولا يهمك نمشي للواحد ونعطيه كف واحد


باهي قدها تقولي لــ....فتحي مفتاح عبد الفتاح افتح الباب المفتوح باش يولي مش مفتوح

ههههههههههه

قدهااااااااااا علاش انقوله هدا كله ......على قولتك نعطيه كف توه يفتحه
من غير هالخرابيط هادى كلها
باهى قدهااااااااااااا تقولى شنى غداكم

رز مسقي

باهي قدها تقولي شن فطرتي

قدهاااااااااا انى ليوم مافطرتش طلعت مع باب من الصبح
باهى قدهاااااااااااا تقولى خيط حرير فوق حيط خليل 10مرت وراء بعظهم ؟؟؟؟؟ وقولى شنى صار معاك

هههههههههه صعبة

باهي قدها تقولي مطبخ...10 مرااااااااات

مطبخ...... مطبخ........ مطبخ.... بطبخ ......مطبخ ....بطبخ ......بطبخ.......... مطبخ....بطبخ ..مطبخ.

بجد صعبه

باهي قدها اتقولي

حوش 40 مره هههههههههه

قدهااا قلتها ساهلة

باهي قدها تنوضي اتديريلي نص ماهو جعانة مافطرتش...ماهو المطبخ لوطة

وكنك ما اتصبي انتي حركي روحك اشوي

عليك تنبله

انتي يلي جيعانه مش انا هههههه

باهي وانتي نازله للمطبخ ديريلي نص امعاك حتي انا جيعانه

من قالك اني بننزل ماعنديش نية ننزل لوطة

باهي قدها انتي اتديري نص واتديريلي معاك

الله غالب عليا وخلاص

ما عندي ما انقول باهي توه اندير نص بس بشرط

بكره لمه اتديري نص لروحك ديريلي امعاك ها شن قلتي

او مانيش دايرتلك ههههه

عليك مكر

باهي قدها بكره اي حاجه نبيها من مطبخ اتجبيها لي بس اندرز مره وحده وبعدها خلاص قدها ولالا ؟؟؟؟

محنيه كرعيك يا حنه
لا طبعا مش قدها هههههههههه
قدها ولا مش قدها انك تمشي تنتحر
؟؟؟؟؟؟؟؟؟؟

لالا مش قدهااااااااااا مش فاضيه بيك عندى ماندير..........
باهى قدهاااااااااا تقولى قداش عندك علم الاستقلال فى فى حوشكم

ييييييييييه ربي يزيد ويبارك الحوش معبي عندنا هلبة

باهي قدها تمشي تقولي لامك تسلم عليك الدلووووعة؟؟؟

عادى .. توه انسلملك حتى على خوى وبالنسبه لى ماما انقوللها لكن تسحابنى انى ندلع عليها توه اتلزني اتقولى برى دورى على منى ادلعى
.......باهى قدهااااااااااا ماعاد تبعتى سلام لى حد

لا مش قدها ..

باهي قدها تسلميلي علي خواتك وصغرهم ورجالهم وعلي عمتك وخالتك وبنت عمتك وولد خالتك وحوش جيرانكم وبناتهم وعلي اقاربك في الجبل وعلي ابلتك اول ابتدائي وراجلها وعلي صحباتك في المدرسة وحدة وحدة اااه نسيت وعلي صغرك طبعااااا

حااضرر بس راجل مدرستي لالا

توه تقتلني


باهي قدها اتحبيلي اختك او اخووك الاصغير ؟؟؟ وقوليله هذي هديه من بنت امعانا في منتدي

لالا ماهو ماعنديش اصغرررررر مني لاني اني الصغيرة

باهي قدها تقولي لخوك الصغير تسلم عليك الدلووووعة...جايتني ع السلام اني