السلام عليكم ... أخواتي كيف حالكم ؟ .. إن شاء الله تكونوا كلكم بخير
أطبعا أني نبي مساعدتكم لو تفضلتوا يا حلوات ...
أني عرسي إن شاء الله مع بداية السنة الجديدة (والعقبال عندكم إن شاء الله )... ومحتارة نختار في هلبة حاجات نبي نأخد رأيكم وتساعدوني .
أولا محتارة في الصلات أي صالة نختار ( وهنايا نبي كل وحدة تعرف صالة حلوة وراقية تقولي عليها ومتبخلش عليا هههههه ) وياريت لو تعرف حتي رقمها وموقعها
ثانيا الكوافير ... حتي هو محتارة وين نمشي لأنه بجد في هلبة حلوات فنبي أحد مجرب أو شافيين عنده عرايس ياريت تقوليلي
ثالاث نرجعوا لموضوع الصالة الحقيقة أني نبيكم تساعدوني بالأفكار لاني منبيش حفلة تقليدية في موضوع الأكل( التفريق )... يعني الي عنده أفكار جديدة ياريت متبخلش بيها عليا
ورابعا الفيلوات حتي هو نبي مساعدتكم
وشكرا لكم