كيف تتعرف علي الانســان الــــــــليبــي, خش بسرعة أنت وياه!

السلام عليكم ورحمة الله وبركاته


موضوعي هوا كيف تعرف الليبي :

-اذا كان سمعت حد يقول شن الجو,صقع عليك........فهذا بالتاكيد الشخص ليبي.

-اذا كان لقيته شاد مكايطة في يد وفي اليد التانية سبسي ....فهذا بالتاكيد
الشخص ليبي.

-اذا كان عطاك موعد وجاك بعد ساعة او ساعتين ....فهذا بالتاكيد الشخص ليبي.

-اذا كان قالك خمسة دقايق وقعد ساعتين.....فهذا بالتاكيد الشخص ليبي.

-اذا كان قالك شبوب والنبي ولعة ...والنبي سبسي....فهذا بالتاكيد الشخص
ليبي.

-اذا كان لقيت في ايده باكو متكوب عليه رياضي.....فهذا بالتاكيد الشخص
ليبي.

-كان قالك علي بنت خاطمة مصطلح غريب اول مرة تسمعه...زي" بعيصة"ولا
جنقي.....فهذا بالتاكيد الشخص ليبي.

-وكان قالك شبوب ممكن العكشة.....ولا تعكشلي...فهذا بالتاكيد الشخص ليبي.

-كانك علي شط البحر ولقيت واحد رادم دلاعة علي الشط ولا صندوق مشروب
....فهذا بالتاكيد الشخص ليبي.

-كان بدي يبي ينكت ....يقولك مرة في واحد ترهوني او واحد سعيطي...مع
احترامي للتراهنة والسعيطات-.......فهذا بالتاكيد الشخص ليبي.

-كان لقيت واحد يقول للبيجو 404 موديل75 عكارية او عقرب ريح....فهذا
بالتاكيد الشخص ليبي

-كان بدي يهدرز علي العائلة الكريمة وقالك الشيباني -علي
بوه-...والعزيز-علي امه -...فهذا بالتاكيد الشخص ليبي...

-كان طقطق عليك واحد من الجيران وقالك تسلم عليك امي وقالتلك حكة طماطم
....ولا حكة زيت ...شوية ملح.....فاعلم ان جيرانك ليبين ...

-كان لقيت بنية صغيرة تغني علية ياعلية ...هذي ماتحكش فيها راسك بكل
بالتاكيد ليبية..

-كان سالت واحد وقلتله شن اكتر اكلة تحبها وقالك بازين..ولا مكرونة امكبكة
....فهذا بالتاكيد الشخص ليبي.


واخيرا وليس آخرا افتخر باني ليبي والحمدلله اني جيت ليبي....وصدق اللي قال
كان ماجيناش ليبين راهو فاتنا هلبة جو....

ودمتم سالمين ..






منقول للامانه

والله اكيدة واحد ليبي اباًعن جد
مش عارفةمنين اتجيبي في هالمواضيع الصقع

هههههههههههه والله صح
علاش كلهم يدخنو فى الرياضى
ولما يتكلم على اماليه يقول العويلة

هههههههههه
والله صح كلامك
تسلمى

ههههههههههههههههههههههه...
صح كلامك بس في وحدات مافهمتنش...

-اذا كان سمعت حد يقول شن الجو,صقع عليك........فهذا بالتاكيد الشخص ليبي.
مية في المية هذا ليبيي.الللبيين كلهم ايقولوا في شني اجو وصقع عليك والامور مية مية ........
عقرب ريح مقديمها والحمدلله اني جيت ليبية....وصدق اللي قال
كان ماجيناش ليبين راهو فاتنا الجو ...........الموضوع مش عادي ههههههههههه ضحكتيني
ومشكورة ........................................واصلي تميزك .....

شنى ما فهمتيشى يا زهرة المرج......