بالله شووفو رومانسية الشباب الليبين واحكمو

سم الله الرحمن الرحيم

السلام عليكم ورحمة الله وبركاته

رومانسية الشباب الليبيين وان شاء الله تعجبكم

القصة الاولي

المسكينة نادية ( مدرسة أعدادى) قالت : مرة وصلني راجلي للمدرسة
وقبل ما ننزل من السيارة قلت له : ( حنستاحشك )
لكنه كشخ عليها ....... وقال لها : تي إنزلي يا مسكينه وسقدي روحك ... موش تشوفي فيا مسكر الشارع بسيارتي



القصة التانية :

خيرية تذكرت رومانسية راجلها فقالت : مرة خطرت لي فكرة حلوة ... وقلت نشري لراجلي هدية حلوه ...
وفعلا إشريت له جهاز نقال ولفيته فى غلاف حلو وحطيت له ورقة صغيرة مكتوب فيها ... هدية لك يا زوجي الغالي ...
ولما استلم الهدية فتح الغلاف ومزقه ومزق معاه الورقة الصغيرة ... وقال لها : بكم شريتيه الموبايل ..
فقالت له : ب300 دينار ... فقال لها : زلبحوك يا درويشة يا هبله ... هذا حقه 50 دينار .. بس


القصة الثالثة :

سالمة قالت : مرة خطرلي بندير جو رومنسي مع راجلي ... فشريت شمعات وولعتهن فى دار النوم ...
وأول ما رجع مسعود راجلي وخش لدار النوم .. عفس علي وحدة من الشموع .. وعيط عيطة قوية ... وشرينها كف ...
وطبعا ... لحد اليوم قاعدة فى حوش بوها .... تستاهل ... لأنها حرقت له كراعه ...



القصة الرابعة :
أما الأخت رجاء فلها مع رومانسية راجلها أبوعجيلة ...حكاية جميلة....
قالت : مرة خطرلي بندير سهرة رومنسية ..... وشريت عشاء فاخر من المطعم ...
وبعد ما جهزت الدار وولعت الشموع وطفت الضي ورقدت الصغار ...
روح السيد بوعجيله ...
ونزل فى هاضك العشاء .... وبعد ما عبا بطنه وإستمخ ...
انبطح على ظهره وقاللها : نوضى الفروخ خليهم يجوا ياكلوا .....
فقالت له رجاء ...... وووووووووووووه وووه

هههههههههههههههه

[القصة الخامسة :

حكاية سعاد مع راجلها جمعة ...
قالت : مرة سمعت بفكرة رومنسية حلوة وهيا نثر الورود على سرير النوم ...
فقلت نجربها معاه ... ولما روح جمعة من العمل فى الليل وشاف السرير مشى رقد فى المربوعة ...
قالت له سعاد : ليش سيبت سرير دار النوم ورقدت في المربوعه ؟؟؟
قالها كيف بنرقد وانتي معبية السريرعشب ... تحسابيني خروف ...



القصة السادسة :

حكاية فتحية مع رومانسية راجلها فتحي ... قالت فتحيه : مرة خطرلي بندير سهرة رومنسية ...
وقلت نشغل شريط موسيقي حلو ...ونرقص أنا وراجلي رقصة "سلو" اللي يحطوا الراجل والمرا إيديهم على ظهور بعض ...
المهم.... نفذت الفكرة وحطيت شريط موسيقي سلو ...
وأول ماحطت إيدها علي ظهر فتحي الرومانسي ...
قاللها : إيوه إيوه بالله عليك أرفعي إيديك فوق شوية وحكي ....
لالالا تحت شوية ... لالا فوق عالكتف .. بالقوة أكتر ....؟؟؟



مأساه و خلالالالالالالالالالاص


والمشكلة رادين اللوم ع البنات الليبيات

مع تحيااااااااااااتي

ههههههههههههههههههههههه مشكوره يا اختي

نورتي الموضوع حبيبتي

حلواااااااااات

بجد لبين طبعا رجال لا روومانسية ولا حب نادر بكل

تلقي شخص روووومانسي

يسلموووووووووو

والله جو الليبين مافالحين غر فى التكشيخ