طرق الدراسة للطالب الليبى

خيرااااااااااااات ...
اليوم جايبتلكم شوية اشياء ايدير فيهن الطالب الليبى اثناء الدراسة واللى عنده زيادة يحطها....

1 - يرقد على بطنه ويقرا بقلب ورب

2 - كل مايقراله صفحه يكافئ نفسه بغفوه نص ساعه

3 - يدورله عذر عشان يتحرك من مكانه ويسيب الكتاب لدرجة ان صلاته تبدا بوقتها بدون ولا ثانية تأخير

4- والثلاجة تشكي من كثر مايفتحها

5-بين كل دقيقه و دقيقه يمشي الحمام

6-كل شوي يتصل يسأل صاحبه هاإه قريت *؟ واذا قاله لا .. يرتاح نفسيا )
صح شعور مريح جدا والله

7- يحذف من المنهج على كيفه ويقول هذا بيجي وهذا مش جاي كأنه هو إلي حاط الأسئلة

وفي الاخير بينجح =)) كم انت كبير ياطالب الليبي ^^

أنت اي رقم أدير فيه أكثر شي ؟؟ شن هوا المعتاد ال ادير فيه مش موجود ف الارقام هدي؟

انا اكثر حاجه رقم 4 و6...
اصلا بعد تلقي صاحبتك مش قاريه تحسي ان في وقت وفي وحدات نفس حالتك
انسيت حاجه ان البنت تبدا القرايه الساعه5
اماالولد كثر خيره كان قرا الساعه 9 وينجح وبتفوق اخري...

مشكورة انشاله عجبتكم cheers

ههههههههههههه الموضوع عجبني

واكثر وحدة تنطبق عليا هي 6و 7 ديما نتصل بصاحباتي كان لقيتهم ما قروش نفرح
و نلوح الكتاب من ايدي ونفوت القراية
و بالنسبة لـــــــــ 7 مثلي بالزبط يعني تلقاني الدرس صفحتين قارية منه نص صفحة
و الله حاله وخلاص لكن الطلاب الليبين ما فيش منهم اتنين بالعالم
وسوري ع التاخير
مع تحياتي لكـــــــــــــــــ

بالنسبه ليا 7_6 اكثر وحداااااااات اندير فيهم
شكرا عالموضوع

علاش الكذب ما عمري شبحت ولد ليبي هكي ......من اول ما يروحو من المدرسة يلوحو الشنطة ويطلعوا في الشارع يا يلعب كورة يا معكس تحت البالواا بعدين في ولد يروح بكري ماهوكلهم واقفين قدام مدارس للبنات شينك حاله وخلاص ........وفي الاخير يطلع شاطر وينجح......وكان مطلعش من الحوش تلقيه يتفرج علي الكورة الدوري الايطالي تبي الحق حتي اني انحب الدوري الايطالي بجد والله انتبع فيها كل ثانية ...وخاصة مبارة اليوفي .....ويلي سلام ......... pirat

بس في اعيال شطرين....
خلك منهم الاخرين....
ربي يهدي الجميع....

لاكن انا من الشاطرين في المدرسة

الحمد لله ما عنديش حتى عادة من هذه العادات لما نروح من المدرسة نخش نتوضأ و نصلي الظهر و بعدها نشوف شن عندي واجبات و قراية و نظمهم بالدور و بعد ما نتغدى و نسكر التلفزيون نخش ندرس معاش نطلع لين نكمل و طبعا النوض بش نصلي و بس Smile

ماشاء الله عليك ربي يحفضك ويهدي الجميع...