مقابلة مع احدكم

السلام عليكم ورحمة الله وبركاته

كيف حالكم جميعا

ان شاء الله تكونو بخير

وكل عام وانتم بخير



اليوم حبيت انزل هالموضوع

هو عبارة عن


مقابلة معاكم

هطرح عليكم اسئلة وانتو تجاوبو عليها

وبعد ما تخلصى الاجابة

تختارى العضوة الى بعدك تجيب على الاسئلة

وهكذا




الاسئلة

هذه




لماذا اسميتي نفسك بهذا الاسم ..........؟؟

في أي مرحله تدرسين ؟؟

كيف سجلتي بهذا المنتدى ( من ارشدكي اليه )
هل لديكي ( احد تعرفينه في المنتدى ) ؟؟
من افضل عضوه بنظرك ؟؟

من صديقتك المفضله بالمنتدى ) ؟؟
هل تودين ان تضيفي شئ الى المنتدى ؟؟


اذا كانت اجابتك (نعم ) فماهو الشئ ولماذا تريدين اضافته ؟؟

ما هي امنتيتك ؟؟

هل في هذا المنتدى عضوه لستي مرتاحه لها
وتشكين انها ( ذكر وليست انثى )؟؟


كلمه اخير تودين قولها لمشاهدينا الكرام (العضوات ) ؟؟


واخيرا اقول

__+_+ انتهت الاسئله

سموني علي جدتي

ثانيه علوم حياه

خطر في بالي كتبته

السوال هذا لا اريد ان اجاوب عليه يزعلن مني بنات

اتكلم الانجليزي

انا اصلا لا اصاحب اولاد وانتي عارفه راي الدين في هذا الموضوع

احبكم

شكرا حبيبتي على ردك وانجحت معانا

هييييييييييييييييييييييييييييييييييييييي بتقدير شنو

امي سمتني هكي
3 اعدادي
خطر على بالي

نعرف بنتين هنا
كل البنات كويسات
نبي نغير اسم المنتدى بس
ان ليبيا تتحرر بالكامل
ما نصاحبش في ولاد
نحب ليبياااااااا و تمت يا شفشوفه واحد تسعه ما عاد تشوووفه

1:أسم الشخصي بابا لو أسمي الحالي من خيالي

2: نقرأ مختبرات

3:كتبت بنات وبس طلعتوا أنتم

4:أفضل عضو ؟؟؟؟؟ ربي يوفق الجميع

5:نعم مشاركتي ساد لو نكتب موضوع عن الكاتبة غادة سمان عاشقها

6:ربي يحفظ ماما ويطول عمرها لنها سر حياتي وأمهاتكم

عضو مش مرتاحة منه أنشالله مافيش كلنا بنات وحبايب

أهم حاجة الصلاة بموعدها ..ودعاء بنات ربي يحفظكم

1 سمانى خالى

2 نقرا سنة تانية

3 ما قالى حد عليه خاطرى نشترك فى منتدى القيته قدامى اشتركت

4 انى جديدة قاعدة ما نعرفش اعضاء نعرف اكتر واحدين بنت المرج و بنت عروس البحر
والحق بنت المرج ملت ليها اكتر لانها اقربلى فى السن ونفش الشى عجبتنى بنت عروس البحر
وانشاء اله لما نتعرف على باقى الاعضاء
5 لالا قعة ما فكرت فى شى
6 انى نرتاح فى حياتى

انشاء اله كنا انكونو حباب وصحاب ويصير مابيناتنا شى
وربى يوفق الجميع

ان شاء الله..

يلا نبدا

لماذا اسميتي نفسك بهذا الاسم ..........؟؟
الدلوعة..لان اني بنت وحدة واصغر وحدة

في أي مرحله تدرسين ؟؟
توا تانية تانوي

كيف سجلتي بهذا المنتدى ( من ارشدكي اليه )
كنت نتصفح لقيته وسجلت

هل لديكي ( احد تعرفينه في المنتدى ) ؟؟
شخصيا لا...لكن في بنات تعرفت عليهم في الايميل اكتر

من افضل عضوه بنظرك ؟؟
الكل..لكن الاقرب زهرة مصراته والجبل والمرجاوية


من صديقتك المفضله بالمنتدى ) ؟؟
زهرة مصراته

هل تودين ان تضيفي شئ الى المنتدى ؟؟
ايه يا ريت

اذا كانت اجابتك (نعم ) فماهو الشئ ولماذا تريدين اضافته ؟؟
بصراحة في اقسام ناقصة .. والادارة رايحة مافي حد

ما هي امنتيتك ؟؟
ييييه هلبة اماني...ان ربي يوفقني في قرايتي


هل في هذا المنتدى عضوه لستي مرتاحه لها
وتشكين انها ( ذكر وليست انثى )؟؟
مش عارفة...لالا

كلمه اخير تودين قولها لمشاهدينا الكرام (العضوات ) ؟؟
اني نحبكم هللللللبة ونعتبركم زي خواتي...ومعاش تغيبو ع المنتدي هلبة


هيا كملت شكراااا

لماذا اسميتي نفسك بهذا الاسم ..........؟؟
april شهر ميلادي و moon ندلع بيها في روحي

في أي مرحله تدرسين ؟؟
خريجة

كيف سجلتي بهذا المنتدى ( من ارشدكي اليه )
هل لديكي ( احد تعرفينه في المنتدى ) ؟؟
بالصدفة كتبته في قوقل و طلع لي..معرفة شخصية لا

من افضل عضوه بنظرك ؟؟
كل العضوات ما شاء الله عليهم بإبداعاتهم

من صديقتك المفضله بالمنتدى ) ؟؟
في قائمة الأصدقاء الخاصة بي

هل تودين ان تضيفي شئ الى المنتدى ؟؟
كل خير إن شاء الله

اذا كانت اجابتك (نعم ) فماهو الشئ ولماذا تريدين اضافته ؟؟
كل ما هو مفيد..للإفادة و الأجر على الله

ما هي امنتيتك ؟؟
إيييه هلبا..نتمنى يعيشوا كل المسلمين و المسلمات في راحة و أمان و ثبات و نبات قولوا آمين يا بنات

هل في هذا المنتدى عضوه لستي مرتاحه لها
وتشكين انها ( ذكر وليست انثى )؟؟
ههههههههه noooo

كلمه اخير تودين قولها لمشاهدينا الكرام (العضوات ) ؟؟
أحبكم في الله

احبك الله الذي احببتنا من اجله...
اااااااااااااااامين...

آمين حبيبتي

بسم الله
نبداا


لماذا اسميتي نفسك بهذا الاسم ..........؟؟
هكى ......زهرة الجبل
في أي مرحله تدرسين ؟؟
توه تالته تانوى

كيف سجلتي بهذا المنتدى ( من ارشدكي اليه )
صراحه كتبته فى لقوقل طلعلى
هل لديكي ( احد تعرفينه في المنتدى ) ؟؟
لالا .بس الحمد لله تعرفت على بنات كانى نعرفهم من زمان ربى يخلينا لبعضنا
من افضل عضوه بنظرك ؟؟
الدلوعه وزهراتى الاتنين

من صديقتك المفضله بالمنتدى ) ؟؟
بالمنتدى المرجاويه وعلى الايميل الدلوعه والمصراتيه بالرغم ان الدلوعه خطاء فيا ماتفتحش فى ايميلها
هل تودين ان تضيفي شئ الى المنتدى ؟؟
طبعاااااااا

f
اذا كانت اجابتك (نعم ) فماهو الشئ ولماذا تريدين اضافته ؟؟
الدردشه وقسم خاص بالبنات وعدم تسجيل الاواد بالمنتدى يعنى رفض تسجيلهم

ما هي امنتيتك ؟؟
ايييييهههه ......هلبا بس اكترهااااا ان ارضى الله فى دنياي

هل في هذا المنتدى عضوه لستي مرتاحه لها
وتشكين انها ( ذكر وليست انثى )؟؟
لالا.......


كلمه اخير تودين قولها لمشاهدينا الكرام (العضوات ) ؟؟
انى احبكم فى الله ويارب ديما نقعدو هكى زى لخوات

اني كل مانفتح مانلقي في حد فاتح نصكر طووول مانقعدش فاتحة

وانشاء الله نقعدو زي الخوات

انشاء الله

ان شاء الله ههههههه

عجبتنى اجابتكم الدلوعة وزهورة حلوة اسمى فيها .........ههههه

انت وين مااسمك تعجبك ههههههه