الى كل بنــــــت ليبيـــــة

الى كل بنــــــت ليبيـــــة
هل كنت تلعبيــن حفيانة وعندك درآآجــة ؟؟

هل كنت تلعبين في حوشكم ع اساس ابلة واخواتك الصغار هما الطلاب
وتكتبي على بابك بالطباشير ؟؟
...
هل كنتي تراجي في امك لين تتم الكيكة باش تلحسي باقي العجينة ؟؟؟

هل كنت تلعبين فتحي ياوردة سكري ياوردة ؟؟

هل كان عندك كراسة ذكريات يكتبولك فيها صديقاتك / اكتب لكي بالمقلوب لتبقى ذكرى في القلوب / ؟؟

هل كان عندك كراسة تخربشي فيها ؟؟

هل كانت عندك بنبلة ومشردتها مكرهتها في عيشتها ؟؟

اذا

تطمني ~

تطمني ~

تطمني ~

لقد عشتي الطفولة الليبية المثالية ومافاتك شـــي ^_*

ههههههههههههه

والله مانذكر حاجه من طفولتي وأصلا عشتها زي سندباد كل مره في منطقه ,,,

هل كانت عندك بنبلة ومشردتها مكرهتها في عيشتها بس هادي قويااا

هل كنت تلعبيــن حفيانة وعندك درآآجــة ؟؟
لالالا معمره كانت عندى دراجه
هل كنت تلعبين في حوشكم ع اساس ابلة واخواتك الصغار هما الطلاب
وتكتبي على بابك بالطباشير ؟؟
...
ياعينى احلى لعبة
هل كنتي تراجي في امك لين تتم الكيكة باش تلحسي باقي العجينة ؟؟؟
طبعا مع انه تقعد اتقول البيض نىء لكن عادى لكن هده لما كبيرة هههههه
هل كنت تلعبين فتحي ياوردة سكري ياوردة ؟؟

قعدة حتى توا نلعب فيها مع صغار اخواتى
هل كان عندك كراسة ذكريات يكتبولك فيها صديقاتك / اكتب لكي بالمقلوب لتبقى ذكرى في القلوب / ؟؟
ههههههههههههه ايه صح
هل كان عندك كراسة تخربشي فيها ؟؟
لالالا مندكرش
هل كانت عندك بنبلة ومشردتها مكرهتها في عيشتها ؟؟
ههههههههههههههههههههههههههههههه كيف عرفتيها

الموضوع ايهبل
شكراااااااااا

اللي قلتيه كله عشته...
لكن بنبلينتي كنت معيشتهاااا احلي عيشه.....
شكرااا علي الموضوع حبيبتي...

اني بنبلتي جميع انواع المكياج على وجهها
وقصات الشعر ما نخبركمش

والله العظيم كله درته لما كنت صغيرة عاد ما فقدتش قاعدة الداكرة باش ننساه
لكن ما كانش عندي دراجة"بشقليط"وبمبلة امتعي ما كرهتاهش في عشتها بسكانوا عيونها يخوشو الداخل والصوت يلي مركبنه من ظهرها كان حتى هو يخوش داخل جسمها وبطارية تضعف
بس نستي لعبة
لعبة الحبل" شمس فمر نجوم الليل هلال كواكب" وتقيزة والحبل امتع الركبة والفخطة كان تتدكروا فيه
موضوعك حلوووووووووووووو تسلمي

والله ما ينتسى لعبة الحبل
والنقيزه هادي خبره حيه حيه

توى يابنت مسلاتة معاش عندي جهد لدبيب مش التقيز وهدا كله من قلة ممارسة الشعب الليبي لرياضة هدا علاش ديمة هما مرضى ومهرهرين