مانا رقاق عزيمه //للشاعر جمعه الزوي
مانا رقاق عزيمه *** عقاب وقت خلاّنا قلال القيمه
عطيب بختنا
ومانا قلال القيمه
****
***
**
*
قبل ما تلتلنا *** لا جيب جبنا لا الكلام نقلنا
فواتير معرفين ديما هلنا *** مهما يقولو الخير فينا سيمه
إلا اليوم جار البخت لين وحلنا *** ولا عاد لا قتنا طريق سقيمه
خراب خاربه تمت خلاص جفلنا *** شور الخلا بالك تفك الضيمه
جبدنا على كل شئ لين حصلنا *** وكل سين لازم مايحله جيمه
علي شانها جينا اليوم وقلنا *** اللي يدير شئ الزام بيه يقيمه
وما من علل مدسوس قبل قتلنا *** والسيل ما تجيباش طشة غيمه
واجد عيوب الغير راه حملنا *** والصبر قالو مايدموش ديمه
*******
مانا رقاق عزيمه *** مغير وقت خلاّنا قلال القيمه
عطيب بختنا
تحياتى لكم
الجمعة نوفمبر 25, 2011 5:50 am